Partizani - Elbasani 1-0
 
Ka tejkaluar cdo parashikim, sa i takon atmosferës dhe interesit që ka ngërthyer superfida e javës së 25-të të kategorisë së parë, luajtur mes Partizanit dhe Elbasanit. Mbi 6 mijë tifozë, që kanë mbushur shkallët e stadiumit, pjesën me ndenjëse plastike, por edhe shumë futbollistë të skuadrave të tjera, drejtues klubesh, kryetar bashkish e deputetë të Elbasanit, kanë qenë “menyja”

e një ndeshje që prodhoi fare pak cilësi, madje edhe luftë sportive, por një gol.  
Shënuar nga Rizvanolli në fundin e pjesës së parë, që mbeti i pandryshuar deri në vërshëllimën e fundit të gjyqtarit Ervis Peza. Duke i dhënë Partizanit 3 pikë të cmuara, në luftën për t’u ngjitur në superligë, duke iu afruar ndjeshëm Elbasanit (me një pikë më pak), që mban vendin e dytë në klasifikim. Në të dyja kampet respektive është vënë re një ngarkesë e madhe psikologjike, cka p ka frenuar lojtarët të zhvillojnë një lojë të qartë dhe me koncept, duke p mërzitur jo pak të pranoishmit, që prisnin një sfidë emocionuese. Sidoqoftë, verdheblutë janë shfaqur të pafuqishëm përballë Partizanit, nuk kanë krijuar raste të rrezikshme para portës së Mustafës, duke mos e vënë në diskutim golin e Rizvanollit deri në fund të 90 minutave. Natyrisht, të kuqtë kanë gëzuar edher festuar me tifozët e tyre, ndërsa miqtë janë parë mjaft të acaruar në fund të ndeshjes, teksa kanë pështyrë dhe tentuar të godasin anësorin Qirici, por policia e shumtë në numër ka evituar gjithcka. Në këtë mënyrë, Partizani kalon me sukses një ndeshje mjaft delicate, duke u ngjitur edhe më në klasifikim, ndërkohë që javën e ardhshme ka një transfertë vendimtare, në Lushnjë. Rezultati i kësaj sfide do të thotë shumë edhe për fatin e të kuqve, sa i takon ngjitjes direkt në superligë, në të kundërt do të jetë të detyruar t’i nënshtrohen “play-out”-it.